បុគ្គលជោគជ័យ តែងតែមានទម្លាប់ទាំងនេះរៀងរាល់សប្តាហ៍
Showing posts with label បុគ្គលជោគជ័យ. Show all posts
Showing posts with label បុគ្គលជោគជ័យ. Show all posts
មុនពេលលោក Henry Ford ជោគជ័យ លោកក៏ធ្លាប់ជួបបរាជ័យមិនតិចដងដែរ
លោក Henry Ford ត្រូវបានគេទទួលស្គាល់ដោយភាពច្នៃប្រឌិត និងការបង្កើតឡាន។ លោកមិនមែនជោគជ័យភ្លាមៗនោះទេ។ តាមពិតទៅ ជំនួញដំបូងរបស់លោកធ្លាប់ជួបការបរាជ័យមុនពេលដែលក្រុមហ៊ុនម៉ូតូរបស់លោកទទួលបានភាពជោគជ័យ។
លោកកើតនៅថ្ងៃទី៣០ ខែកក្កដា ឆ្នាំ១៨៦៣។ លោកគឺជាឧស្សាហករជនជាតិអាមេរិកម្នាក់។ នៅវ័យ១៦ឆ្នាំលោកបានធ្វើការជាយន្តការី។ ក្រោយមក លោកជាវិស្វករ និងបានឡើងឋានៈដល់ប្រធានវិស្វករ។ លោកបានស្លាប់នៅវ័យ៨៣។
ក្រុមហ៊ុនដែលលោក Henry Ford បានបង្កើតឡើងបានជួយដល់សេដ្ឋកិច្ចអាមេរិកដែលជួបប្រទះវិបត្តិសេដ្ឋកិច្ចនាកាលនោះ។ មរតកនិងភាពជោគជ័យរបស់លោក Henry Ford បានបន្សល់ទុកឲអ្នកជំនាន់ក្រោយសម្រាប់សិក្សា៕
ជំនាញទាំង ៦យ៉ាង របស់អ្នកជោគជ័យក្នុងអាជីវកម្ម
យកចិត្តទុកដាក់ស្តាប់ការណែនាំពីអ្នកជោគជ័យក្នុងអាជីវកម្ម។ ខាងក្រោមនេះនឹងបង្ហាញពីជំនាញ ៦យ៉ាងរបស់សេដ្ឋី ដែលអ្នកគួរប្រើ និងបង្កើតវាឡើងពីមួយថ្ងៃទៅមួយថ្ងៃ។
១. អាចស្គាល់ពីឱកាសល្អៗ
សេដ្ឋីមុខជំនួញ និងជាសប្បុរសជនលោកCarlos Slim Helu ជនជាតិម៉ិចស៊ិចបាននិយាយថា “ពេលមានវិបត្តិ ជាពេលដែលមនុស្សមួយចំនួនចាប់អារម្មណ៍ ហើយក៏ជាពេលដែលអ្នកត្រូវចាប់អារម្មណ៍ផងដែរ”។
រៀនស្គាល់ពីឱកាសដែលកើតឡើង គិតដល់ការប្រថុយប្រថាន និងថ្លឹងថ្លែងពីសក្តានុពលនៃអត្ថប្រយោជន៍។ ឱកាសអាចជារឿងមួយអស្ចារ្យ ដោយមិនគិតថា មាន ឬគ្មានមនុស្សណាម្នាក់ស្រវ៉ាចាប់យកវា ប្រសិនបើគ្មានទេ នេះជាគន្លឹះសម្រាប់អ្នក តែបើមាន ឱកាសរបស់អ្នកគឺ ត្រូវបង្ហាញឱ្យបានល្អប្រសើរជាងអ្នកដទៃ។
២. ផ្តោតលើសកម្មភាពច្រើនជាងពាក្យសម្តី
អ្នកជោគជ័យក្នុងអាជីវកម្មលោកAndrew Carnegie យល់ស្របថា”សកម្មភាពច្បាស់លាស់ច្រើនជាងពាក្យសម្តី”។ គាត់និយាយថា នៅពេលគាត់ចាស់ឡើង គាត់យកចិត្តទុកដាក់តិចតួចលើពាក្យសម្តី។ តែគាត់សម្លឹងមើលនូវអ្វីដែលគេធ្វើវិញ។
៣. មានចក្ខុវិស័យលើភាពជោគជ័យច្បាស់លាស់
ចក្ខុវិស័យ ជាភាពរឹងមាំដ៏ខ្លាំងក្លាមួយ វាជួយរក្សាថាមពល និងបន្តគំនិតរបស់យើង វាធ្វើឱ្យយើងឆ្ពោះទៅរកអនាគត និងចេញជារូបរាង។
សេដ្ឋីជំនួញហុងកុងលោកLi Ka-Shing អ្នកមានជាងគេបំផុតនៅអាស៊ី ជឿថា ចក្ខុវិស័យ ជាឧបករណ៍នាំទៅរកភាពជោគជ័យ។
ដើម្បីជោគជ័យលើគោលដៅរបស់អ្នក អ្វីដែលសំខាន់ត្រូវរក្សាចក្ខុវិស័យនៃគោលដៅឱ្យបានច្បាស់លាស់។
៤. រៀនមិនឈប់
សហគ្រិនទាំងឡាយទទួលស្គាល់ថា ការរៀនពីអ្វីដែលថ្មីជាឱកាសនាំមុខជំនួញទៅរកភាពរីកចម្រើន។ រៀនស្តាប់ពីអ្វីដែលអ្នកដទៃនិយាយទាក់ទងនឹងបទពិសោធន៍របស់ពួកគេ។ រៀនពីភាពជោគជ័យ និងកំហុសឆ្គងរបស់ពួកគេ។
៥. ធ្វើការងារឱ្យបានស្រេចបាច់
នេះជារឿងមួយធម្មតា តែអ្នកកំពុងតែពន្យាពេលធ្វើវាដោយមិនដឹងខ្លួន។ កុំខ្លាចនឹងសួរក្រុមនយោជិកតូចៗ ដើម្បីអ្នកអាចធ្វើឱ្យក្រុមហ៊ុនអ្នកទទួលបានគ្រប់យ៉ាងតាមក្តីសុបិន្តរបស់អ្នក។
លោកMichael Bloomberg ជាសហគ្រិន អ្នកវិនិយោគ និងជាចៅហ្វាយក្រុងញូយ៉កបាននិយាយថា ការធ្វើការងារឱ្យបានស្រេចបាច់ ជាមូលដ្ឋាននៃភាពជោគជ័យ។
៦. ជួលតែបុគ្គលិកឆ្នើម
ផ្តល់ប្រាក់ឈ្នួលបន្ថែមដល់បុគ្គលិក ដើម្បីអរគុណចំពោះទំនុកចិត្ត និងសមត្ថភាពរបស់ពួកគេ។ ផ្តល់ការសរសើរនឹងជួយពង្រឹងការងារបុគ្គល និងការងារជាក្រុម៕
មនុស្សជោគជ័យចូលចិត្តធ្វើអ្វីខ្លះ នៅចន្លោះម៉ោងសម្រាកថ្ងៃត្រង់ ?
តើអ្នកជាធម្មតាចំណាយម៉ោងទទួលទានអាហារថ្ងៃត្រង់ធ្វើអ្វីដែលអត់ប្រយោជន៍មែនទេ? តាមអ្នកជំនាញ បានឱ្យដឹងថា ពេលរសៀលគឺជាពេលវេលាសំខាន់ដែលជួយអ្នកឲមានផលិតភាព។ តើមនុស្សជោគជ័យច្រើនធ្វើអ្វីខ្លះទៅនៅម៉ោងសម្រាកថ្ងៃត្រង់?
១) ពួកគេងើបចេញក្រៅ ៖ មិនថាពួកគេមានកិច្ចការដែលត្រូវធ្វើយ៉ាងណានោះទេ ពួកគេតែងតែងើបចេញពីតុរបស់ពួកគេ។ នេះជាអ្វីមនុស្សជោគជ័យធ្វើ។
២) ទំនាក់ទំនង ៖ មនុស្សជោគជ័យព្យាយាមទទួលទានអាហារថ្ងៃត្រង់ជាមួយមនុស្សផ្សេងៗគ្នា ពីព្រោះថាពួកគេជឿថាពួកគេអាចរៀនអ្វីថ្មីពីមនុស្សថ្មីៗ និងស្គាល់មនុស្សបានកាន់តែច្រើន។
៣) រៀបចំ ៖ មនុស្សជោគជ័យឆ្លៀតយកពេលវេលានេះ មករៀបចំនូវអ្វីដែលពួកគេគួរធ្វើបន្ទាន់ពីនេះ។ ការធ្វើបែបនេះក៏ជួយកាត់បន្ថយសម្ពាធការងារ។
៤) ធ្វើលំហាត់ប្រាណ ៖ ការហាត់ប្រាណអំឡុងពេលសម្រាកថ្ងៃត្រង់ ក៏អាចបង្កើនថាមពលដល់អ្នកបានដែរ។ វាមិនត្រឹមតែជួយកាត់បន្ថយភាពស្រ្តេសនោះទេ ថែមទាំងបង្កើនការផ្ដោតអារម្មណ៍បានថែមទៀតផង៕
ទម្លាប់ប្រាំយ៉ាងរបស់មនុស្សជោគជ័យ
ឆ្លងតាមការសិក្សាស្រាជ្រាវ ទៅលើមនុស្សចំនួន១ម៉ឺន៥ពាន់នាក់ ដែលទទួលបានជោគជ័យ ក្នុងអាជីវកម្មនិងក្នុងជីវិតរបស់ខ្លួន ស្តែងបង្ហាញឲ្យឃើញ ពីលក្ខណៈសម្បត្តិរួម ៥ យ៉ាងដូចតទៅ៖
១. ស្គាល់ការគួរមិនគួរ៖ បុគ្គលជោគជ័យតែងដឹងថា ការណាគួរ ការណាមិនគួរ។ គេអាចដឹងបានទៅតាម រយៈបទពិសោធន៍ច្រើនឆ្នាំ។
២. ស្ទាត់ជំនាញក្នុង រឿងដែលខ្លួនធ្វើ៖ បុគ្គលជោគជ័យតែង ស្ទាត់ជំនាញក្នុងកិច្ចការដែលគេធ្វើ ហើយគ្រប់ការងារដែលគេធ្វើ គេធ្វើបានយ៉ាងល្អ។
៣. ម្ចាស់ការលើខ្លួនឯង៖ បុគ្គលជោគជ័យមាន ភាពម្ចាស់ការខ្ពស់លើខ្លួនឯង ហ៊ានធ្វើហ៊ានទទួល មិនទំលាក់កំហុសទៅលើអ្នកដទៃ។
៤. ឈ្លាសវៃ៖ ភាពឆ្លាតវៃមិនសំដៅ លើសញ្ញាប័ត្រផ្លូវការទេ។ បុគ្គលជោគជ័យមួយចំនួន មិនបានបញ្ចប់ការសិក្សា កម្រិតវិទ្យាល័យ ឬមហាវិទ្យាល័យឡើយ។
៥.ធ្វើកិច្ចការផ្តោតលើ ផលសម្រេចជា ចំបង៖ បុគ្គលជោគជ័យភាគច្រើន មានភាពដាច់ខាត និងច្បាស់លាស់លើកិច្ចការ ដែលខ្លួនធ្វើ ពោលគឺត្រូវការផលសម្រេច ជាដាច់ខាតទោះមានរឿង អ្វីកើតឡើងក៏ដោយ។
Subscribe to:
Posts (Atom)